بكيـتك دمّ وانـتي ما بكـيتي
نسيتي خلّك الوافي نسيتي
أنــا مـا همّــنـي دمّــي و لـــكــن
عسى من دمعي الصافي رويتي
نسيتي كيف كانت لك يديني
تسوّي الارض لامنك مشيتي
بنيتي في حشايا قصر عامر
مليـكه فوق عرشه واستويـتي
أمـرتيـني ولبــيت الاوامـر
أطيع الامر وَنْـها لانهيتي
ألبّي لك ونا خافض جناحي
مـثـل مالـحرّ يِقْـبل لادعيـتي
سقيـتيـني خـمر حـبّـك مـعتّـق
فلا أصحى بعد منتي سقيتي
ولـكـنك بـعـد مــدّه نـكرتــي
علامك يا / هدمتي مابنيتي
رضـيت بحكمك القاسي علـيّا
صِمتّ ولا شكيت ولا رضيتي
فـلا اعـلم ذنـوبـي و الخـطـايـا
وشلّي صار وخـلاكي قسيتي
حميتك من صواديف الليالي
ورحتـي للـغـربين و شكيـتي
وكـم مــرّه و مــرّات إحـتميـتك
حرام اليوم من حبّي احتميتي
خراب البيت من قرب العواذل
عطيـتيـهم مفـاتيـحي و بيـتي
بلاي انـي شريتك يا حياتي
ولو بعتي بسوقي ماشريتي
لـجـل حـبّـك تحــمّـلت الخـطـايـا
وقول اخطيت وانتي ما خطيتي
جبرني قلبي الوافي عشانك
أقول اني سليت وما سليـتي
خذيتي أغلا ما فيني ورحتي
يكبْر اللي مع الخافق خذيتي
إذا كان الوفـا أكبر ذنـوبي
عزاي اني وفيت ولا وفيتي
مثل ياحبّي مارحتي تجيني
هلا بك يا عيوني كان جيتي
بدايـاتي معـك نفـس النهـايه
فلا أبـقى إذا انتي انـتهيـتي
أنا الشعب الكويتي يا بلادي
أهيـم ولاعن اهمومي دريتي
أنا الشعب الكويتي يا بلادي
وشوفيـني مســيره لعـتزيتـي
أنا الشعب الوفي لاما أخونك
ولو فرقـاي يا كويـتي نـويـتي
بعد ما سال دمّي من عيوني
عرفت إن السبب لنّي كويتي
بو بخيت BoBaKeeT@
أضف تعليق