سلامي للي يوصل لّه سلامي
وخصّ الذّكـر لكـبار الأسـامي
أساميـكم كبـيره فـي بلـدنا
ولا يكبر إسم ألا الحرامي
حرامي والزمـن هـذا زمـانـك
نشوفك دوم فالصف الامامي
زمـن ذل الشـياهين النــوادر
وعز البـوم و طـيور النعامي
صفت للبوم يكفخ في جناحه
بعدما غادر الحر( القطامي )
كبــرت و صـرت غـــولٍ فـي بلــدنـا
أكلت الراس ومصمصت العظامي
أكـلت إمن الجـمل حتى لسـانه
واكلت الجنب ولـهود السنامي
بعدما كنت احسب انك خرافه
ولا تنـــشـاف ألا فالحَــلامـي
رئيــتك غـــول فـي هيــئة أوادم
كبير القوم ومن عرض العمامي
بلدنا تشـتكي جـورك و بطنك
وربعك صوّتو ياذا العصامي
تقول الدار تعطيني كريـمه
ولا رد الكـرام الا الـلآمـي
لئـيـم وّارد الـبيـر العـظيـمه
لوحدك وارده ورد الحيامي
هدمت البيـت يالنـفس الخـبيـثه
وودك نرجع إل عصر الخيامي
بعدها قلت فيها( خافوا الله )
أطيعو واسمعو قول الإمامي
تنــادي للصـلاه ولا تصـلّي
فلا صليت فرض ولا قيامي
دعيت الناس لسّته و صوموا
كأنك كنت مشهور الصيامي
تسـوق الزمـل كـنّـك مالكـيـنه
غريبه كيف تمسك بالخطامي
بعدما عثـت فيـها بالفسادي
تقول انك من الاعداء حامي
تقول انك وفيت العهد فيها
ولكن مـا فعلت الا كـلامي
خرافاتـك كثــيره وابتـلـشــنا
شعمت النار وتدعو للسلامي
مثل مالنار تاكل في حطبها
ولـكن عقـبها يالنـار نـامـي
يجي لـك يـوم يا الغـول الحديدي
مثل قارون وسـط الارض عـامي
لأن الضـرب بيّــن فالـحديده
وكثر الضرب فكّاك اللحامي
ترا عمرك فنى والمال فاني
ولا ينفع بعد سو الختامي
سلامٍ ياصل الغول الخرافي
سلامٍ ما دخل فيـه احترامي
BoBaKeeT@
أضف تعليق