يافكرتي ويش السبب نبغى الحقيقه
بلّي حصل في ربعنا عقب الرفاقه
أخبارهم واخطاءهم جداً عميقه
ماهي من اخلاق العلاقه والصداقه
كم صاحبن منصاب من نارن صديقه
وكم صاحبن مثل العدو نبغى فراقه
كيف الشقيق ايْشَق ستره من شقيقه
اللي يعدّه بيتنا حامي رواقه
إن كانه الخاين يبدل في طريقه
كبّوه قبل انّه يصوّت بانشقاقه
الزّمْل ما يشتال غير اللي يطيقه
وان شال مالا طاق هاذي من حماقه
صَفّو وجيه الزمْل لين انه بريقه
يلمع كما نورن يجي قبْل اصطفاقه
والصاحب اللي حاشمن لحية رفيقه
ودّو له الحلاق معْ موس الحلاقه
الله يفضح كلّ خاين فالخليقه
اللي مسير الزّمْل والمشروع عاقه
ياربعنا فالبيت لا شبّت حريقه
به ناس تنفخ لا يزيدون احتراقه
أحدن نهق واحدن زعجنا في نعيقه
أهل الوجيه البارده واهل الصفاقه
عامين نرجيكم تعزّون الوثيقه
دستورنا فالاسر فكّّو له وثاقه
الوضع محسوبن علينا بالدقيقه
وانتم لكم مشروع ما بيّن دقاقه
الدار بالإفساد والرشوى غريقه
حتى هواها مفسدينن في مذاقه
والشعْب ناخيكم وحلقه جفّ ريقه
في كلّ يوم الشعْب زايد باختناقه
وين المسيره واعتصامات الحديقه
وين الرجال اللي تفجّر كلّ طاقه
وين الذي من دوننا دمّه يريقه
اللي تسابقنا على الميقاف ساقه
العزم لامن نام ويش اللي يفيقه
غير الجموع اللي تنافس في سباقه
واللي يرده باب عن شوفة عشيقه
الباب يكسر دام محكوم انغلاقه
يهل العواطف والاحاسيس الرقيقه
ما غيّر التاريخ إسلوب الأناقه
ما غيّره غير الاساليب العتيقه
نثر الحمر/ فالمجد دايم لا شفاقه
مالي ومال اللي حساباته دقيقه
الرابح الخسران والدستور باقه
سيّورها تفرج علينا عقْب ضيقه
والمجد عانق من يحبون اعتناقه
سندتها لهل المفاهيم الطليقه
ماهي لمن خانو مواثيق العلاقه
BoBaKeeT@
أضف تعليق