شعراء سبر

بوبخيت يكتب لـ #شعراء_سبر | في بيت بن برغش ضِبطنا المواقيت

قال العتيبي والعتيبي ابوبخيت
                      لا عاش راسي كان ما فيه فزعات

واليوم فزعة عزّ يا شعْب الكْويت
                   لا عشت كان اليوم عن ماقفي فات

في بيت بن برغش ضِبطنا المواقيت
                      يوم الاحد من بعْد كلّ الصّلاوات

وان كان ماجيت الوعد ياهل البيت
                        اخذو عزاكم فالعتيبي ترا مات

احرار حنا يشهد الحي والميت
                         اقدامنا وقت المواقيف عجلات

واليوم جمعن للرجال الشفاليت
                        اللي لهم فالدار صوله وجولات

انخا القبايل والحضر دون تصويت
                           اهل المكارم و العقل و المروات

لا تخذلوني يوم فيكم تعزويت
                       تكفون ثمْ تكفون فالقلب طعنات

ناديت وادري يوم ناديت اوحيت
                         حرّن ركز ساقه ليا جات وقفات

اما حضرها كلّ هيتن ولد هيت
                        ظاعت لحانا بين هافي وشمّات

من عقبها ماينفع ان قال ياليت
                            يا ليت ما تنفع نهار المثارات

يالله ثبّت عقلنا فيك تثبيت
                   ابليس وس وس والعقل فيه فلتات

الخصم حاربنا بشرع الطواغيت
                       ماعاد عند الشعْب فيها خيارات

اما تزيد النار بالقاز والزيت
                            والا عليها يمطرون البشارات


بوبخيت BoBaKeeT@