شعراء سبر

الدار حزْنه .. والحزن من يخايله

الدار حزْنه .. والحزن من يخايله
يمكن جرت من ما يشوفه مسايله

الدار و اللي يعشق الدار في حزن
من حاضرتها والذي من قبايله

حزنن على رجال يصعب على البلد
تلقا عوض مثله … عظيمه مثايله

نادر حرار الوصف لو قلت بجْحده
وشلون اوصّف يا شعبنا فعايله

حرّن على وضح النّقا دايم الهدد
ما يطرد الهزله .. وصيده جزايله

لا عكّف اكْفوفه وثارن مناكبه
كفْخه يروع اللي رجوله نحايله

عوق الفساد اللي على الدار شلّته
حامت حباريها على الزور مايله

أبيض وجه وافي عقل سالم النّبا
فزّاع يا مكثر علينا جمايله

هذا فلاح الحرّ يا شعبنا مضا
عند الولي في ماكر العز شايله

تبكيه داره والشّعب يردف البكى
يا ليت موت الطيب نلقا بدايله

وتبكيه ايتامن من العام في حلب
ما ذاقو اللقمه .. ولا شيف عايله

ويبكيه من جاهد بماله يبا النّصر
واللي على الظالم تشاعم فتايله

وتبكيه لجنة خير قد كان شيخها
حافظ أمانتها … وشايل ثقايله

ويبكيه فيصل معْ بدر والمطر سكب
وجمعان و مْسلّم وصفوة خلايله

حنا شهود الله في ما نشاهده
شفناه درعن للبلد في نزايله

إرقد فلاح .. الموت لـمْوات ذكرها
واللي مثل ذكراك تحيا فضايله

إرقد فلاح .. الموت للي سرق بنا
واللي على شعبه يدبّر محايله

إرقد فلاح الموت سنّه وله رضا
وحنّا على دربك ترانا حصايله

جعل الولي يسقيك من شربة النّبي
ترويك في يومن عظيمه هوايله

بوبخيت
@ BoBaKeeT

تعليق واحد

  • صح لسانك ورحم الله ابا سعود واسكنه فسيح جناته وأبدله أهلاً وداراً خيراً مما ترك، وايم الله إن الابيات صادقة إذ أنها لاعجت الأفئذة و أذرفت العيون…

أضغط هنا لإضافة تعليق

Copy link