شعراء سبر

ارقد وخل النوم يملا عيونك

ارقد وخل النوم يملا عيونك
والليل خلّه .. والهوى والسهر لي

وارقد ولا يزعج مغافي جفونك
الضيم والتفكير .. خل القهر لي

وارقد هني البال لا يِسهرونك
الضيق والهوجاس .. خل الدّهر لي

وارقد عيوني والصدر يرتوونك
في وسطهم صورتْك صارت زهر لي

وارقد ولا همّك ولا يزعجونك
الليل واللي فيه … هذا مهر لي

وارقد ونا ماني بساهر بدونك
وجهك ليا ملّيت منهم ظهر لي

بوبخيت

أضف تعليق

أضغط هنا لإضافة تعليق